個人檔案「虎」中作樂相片部落格清單更多  |  工具 說明 |
|
「虎」中作樂where is my home?where is my destination? 9 July 長洲一日遊長洲，一個既近又遠的地方。記得對上一次去長洲已是七年前，即係千禧年，當時去長洲唔係去CAMP、唔係去玩，係拎住一部大相機去做風帆比賽，最重要係當日出海勁大浪，第一次做風帆就嘔到黃膽水都出埋嚟，真係恐佈，呢次係小弟第一次亦係最後一次做風帆，以後都係咪搞我。
入番正題，尋日(7月8日，周日)同Brenda、Richard同埋Kerry去長洲一日遊，當踏足久違的長洲時，不但冇畀我一種遠離繁囂的感覺，相反更覺得成條街都係人，地方擠逼得水洩不通，好似落咗銅鑼灣咁，真係激死！
長洲咁多年嚟其實冇咩點改變，應該話比以前更差，全程冇嘢行、唔似得南丫島有啲特色店鋪可以參觀吓，唯一得著係我哋幾個行經租單車鋪，忽然間心血來潮嚟個長洲單車一日遊（對上一次踩單車，已經係N世紀前的事），我同Brenda就租咗架人力車，當然我係做「咕喱」嗰一個啦，大部分時間負責係咁踩，載住位大小姐周圍去兜圈，雖然長洲唔係好大，但由於烈日當空，只係踩咗一陣，已搞到成身的「男人味」散發晒出嚟，最慘係途中唔小心跌花咗心愛的太陽眼鏡．．．真心痛！
雖然長洲冇咩好玩、好行，但食方面就唔錯，我哋踩完單車後就去咗食糖水，啲糖水質素唔錯之餘，價錢亦平過市區啲糖水鋪好似發x、滿x一大截，絕對係抵食。咁都未算，我哋之後去咗碼頭附近食海鮮，價錢更加大眾化平靚正，四個人埋單都只係三百三十蚊，當中包括炒蟹、瀨尿蝦、扇貝、聖子同埋蒸魚，加多一碟咕嚕肉同埋油菜，搞到個個都捧住個肚走．．．。
最後喺回程的船上，就更加係「星」光閃閃，除咗行出船尾望上天，看見夜空下滿佈星星，覺得宇宙的美外，更同小明「星」方力申同黃柏高一艘船返嚟添．．． 29 June 煮飯靠打天才波唔經唔覺，差不多成半年無UPDATE個網，唔知仲以為關門大吉添．．．其實都係一個「懶」字。不過懶人都要食飯，更何況好似我自從搬咗出嚟自己住後，日日都差唔多出街食飯咁劑，真係無啖好食，所以呢排可能食到厭，寧願自己喺屋企煮飯食，既可慳錢，又可以發揮吓我煮嘢食既小宇宙。
講真，我對上一次真係煮一餐飯出嚟，都應該係十年前喺菲律賓姑姐屋企，當時去咗嗰邊旅行一個月，每日喺姑姐屋企，當然要有啲貢獻，於是便請纓煮一餐飯出嚟．．．結果．．．當然都叫食得落肚。至於平日，最多都係自己煮個麵，煮啲即食雲吞、腸仔咁。
不過近期唔知黐咗邊條線，竟然學做大廚，自己煮番幾味食。其實我由細到大都無話跟過阿嫲、或者阿媽學煮嘢，只係一味識食，自己話煮幾味，都係憑平時食嘢既味覺，去想像番碟餸點樣煮出嚟．．．絕對可以話係打天才波，雖然最後煮出嚟既賣相唔係好靚，但總算冇失望，日前仲試自己煮「生菜包」出嚟，算係咁卦．．．。
PS.大家如果有咩嘢撚手小菜想教吓細佬，不妨指點下，我唔介意學架．．
11 January 很愛很愛你想為你做件事 讓你更快樂的事 好在你的心中埋下我的名字 求時間 趁著你 不注意的時候 悄悄地 把這種子釀成果實 我想她的確是 更適合你的女子 我太不夠溫柔優雅成熟懂事 如果我 退回到 好朋友的位置 你也就 不再需要為難成這樣子 很愛很愛你 所以願意 捨得讓你 往更多幸福的地方飛去 很愛很愛你 只有讓你 擁有愛情 我才安心 看著她走向你 那幅畫面多美麗 如果我會哭泣也是因為歡喜 地球上 兩個人 能相遇不容易 作不成你的情人我仍感激 很愛很愛你 所以願意 不牽絆你 飛向幸福的地方去 很愛很愛你 只有讓你 擁有愛情 我才安心 要慢慢學習如何愛自己雖然話好耐冇拍過拖，但感情生活絕不枯燥乏味，相反所經歷既亦絕對係自己意想不到，甚至比有拖拍既人更精采、更豐富。雖然我好清楚愛情係唔可以用天秤來衡量得與失，但自己腦海裏面往往都會盤算着，為何自己所付出絕唔會比他人少，但穫得為何往往係唔成正比，甚至乎係質疑過自己是否真的有所得着、有所收穫呢？之不過，咁多年嚟我始終抱着一個信念，如果唔係用心去愛一個人，那人未必會感受到我的愛．．．又或者要我因為想拍拖而拍拖，而是但找一個不是自己所愛的，我寧願唔開始．因為我會覺得這是浪費自己既精神、時間，甚至是傷害了別人。
其實最近在我身邊圍繞着很多事情，令我好懊惱，好似因為重色輕友而得罪了兩位摯友，約了佢哋一次又一次甩底，令佢哋為之氣結，這點我係很無奈、很內疚及很抱歉，希望佢哋能夠原諒我吧。坦白講，我亦好怕彼此間的友情會受到動搖，又或失去朋友，因為世上要搵到啱傾既好朋友，同搵一個愛人既難度係差唔多。
就這件事既來龍去脈，我好簡約咁向另一位相識十多年既知己訴苦，她所得出的結論係：「你最大問題係喺感情上投入畀別人多同快，很多時令自己跌入深淵．．．甚至乎係有時過份呵護別人。」但更令我深刻既一句係，「你要學對自己好啲。」聽了她這句說話，我即時腦閉塞、啞口無言，亦唔識得點樣回覆佢，因為呢個問題我從來沒有想過，我真係對自己很差嗎？如何去學懂愛自己呢，直到而家在我腦海裏永有很多很多問號在浮遊？？？希望呢位知己快啲返嚟，陪我傾吓計，教吓我做人既道理吧！
1 January 07年再衝刺正式踏入2007年，點都要同大家講聲Happy New Year！希望大家喺新既一年事事進步，心想事成，最重要係身體健康，咁先有精神去搵真銀呀嗎！．．．上得嚟我個Blog，無論係老死、好朋友又或者係過路人甲乙丙丁，大家一起攜手向新一年努力衝刺吧！
06年已成過去，總結呢一年當然係有得亦有失，有喜亦有悲。
得與喜：
＊認識到一位新朋友，呢位朋友認識時間雖然唔長，但就畀到我一種好特別、好comfortable既感覺，已在我心窗開闢了一定位置。
＊日夜顛倒既生活，對身體唔好就預咗，年尾終的起心肝去驗身，哈！結果係樣樣正常，好健康喎！終算鬆番啖氣。
＊母校樹仁終於升格做大學，校監校長亦終願成佢哋既心願，令人興奮。而兩位老人家結婚六十五周年，仲喺校慶時一齊與師生分享，場面感人！
失與悲：
＊又話減肥．．點知到頭來又．．哼！哼！哼！
＊整年工作十分沉重，日做夜做無停過，呢種生活令我感到人生好厭倦，似乎要再為自己打算。
＊斯人獨憔悴，感情生活仍然一片空白，唔知要等到幾時呢？
＊唔知點解都仲係儲唔到錢，而且喺年尾仲頻頻破財，儲蓄急轉直下，似乎真係要搵理財專家幫下手。
＊年尾衰多口、衰口臭，得罪咗位好朋友，令佢誤會咗我，我都唔知點樣收科，希望呢位朋友可以大人有大量，可以原諒我，喺度講多句：「I am sorry，pls forgive me！」
重複犯錯近期聽到古巨基的＜重複犯錯＞，發覺歌詞都幾應景，每個人的人生就像一個循環，有多事想着已成過去，已從腦海徹底忘記時，點知又會不知不覺間發生在你面前，但最後個結局是否像過往一樣，還是另有一番新景象，那就要靠自己雙手去打造。
歌詞節錄自＜重複犯錯＞
1 December 同學年代才是最真的萬物總有盡時，世界每一日不停咁轉，每一日都有好多新奇事物圍繞着自己發生，但總會有些東西被遣下，被淘汰，好似天星碼頭、未填海既維港、舊街道、舊樓宇等等，亦不斷在我們的眼中消失。不過一份真摯友情卻唔會隨住時間過去而消逝、被遣忘，相反會隨住年月而累積，變得更鞏固，尤其年紀愈大，要認識到真挚的朋友機會亦愈來愈少，喺弱肉強食既工作世界中，你虞我詐，人往往帶住假面具去互相打招呼，但試問有幾多是真心．．．
無可否認，有人工作忙碌、有人組織了家庭，同學相聚機會確係少之又少，但每次見面總有講不完既話題，好似讀書時期既趣閒、逃學既經歷、老師的喜惡程度，無論講過幾多次都不會覺得厭倦，相反更會令整個人鬆馳下來，可以暢所欲言，同學之間無利害關係，說話永遠都是最真的，所以就算話我老套，我都會好好珍惜同學之間彼此見面時間及機會。
最後喺度祝馬騮新婚快樂．．至於就快做老襯既阿達，快啲娶得美人歸。 |
|
||||||||||||
傳送私人訊息
訂閱 RSS 摘要
告訴朋友
新增至 Live.com
新增至您的朋友網路
註冊通知
|
|
